2022(2023) වර්ෂයේ අ.පො.ස.(සා.පෙළ) විභාගය වෙනුවෙන් පමණක් පහත තනතුරු සඳහා අයදුම්පත් කැඳවනු ලැබේ.

• සම්බන්ධීකරණ නිලධාරී
• සහකාර සම්බන්ධීකරණ නිලධාරී
• ශාලාධිපති
• සහකාර ශාලාධිපති
• සහකාර ශාලාධිපති අධීක්‍ෂණ (ඔබ පදිංචි හා සේවය කරනු ලබන කලාපයෙන් පිටත රාජකාරි කිරීමට කැමැත්ත ප්‍රකාශ කරන අය සඳහා පමණි)

තවද, ඔබ විසින් යොමුකරන ලබන අයදුම්පතෙහි

• ඔබගේ ජංගම දුරකතන හා වට්ස්ඇප් අංක අනිවාර්යයෙන්ම සඳහන් කල යුතුය. කලත්‍රයාගේ දුරකථන අංකය ලබාදීමෙන් වලකින ලෙස දැනුම් දෙමි.
• අංක 02, 04 හා 06 ඉංග්‍රීසි කැපිටල් අකුරින් සම්පූර්ණ කළ යුතුය.
• අංක 09 ට අදාලව ඉල්ලුම්කරනු ලබන සියලු තනතුරු සදහන් කළ යුතුය.
• අංක 11 ට අදාලව ඔබගේ රාජකාරී පළපුරුද්ද සංඛ්‍යාත්මකව සඳහන් කළ යුතුය.

ඉහත තනතුරු සඳහා පළපුරුදු අය පමණක් ඉල්ලුම් කළ යුතුය. ඒ අනුව පළපුරුදු හා විභාග තහනමකට ලක් නොවූ අය නිර්දේශ කර එවීමට විදුහල්පතිවරු/වරියන් වග බලා ගත යුතු බව කාරුණිකව දන්වා සිටිමි.

ඔබ විසින් නිවැරදිව සම්පූර්ණ කරන ලද අයදුම්පත් 2023 අප්‍රේල මස 05 දිනට පෙර නියෝජ්‍ය අධ්‍යාපන අධ්‍යක්ෂ (විභාග), අධ්‍යාපන පරිපාලන ශාඛාව, කලාප අධ්‍යාපන කාර්යාලය, මාතර. යන ලිපිනයට යොමුකරන ලෙස දන්වන අතර අඩුපාඩු සහිත හා ප්‍රමාදවී ලැබෙන අයදුම්පත් ප්‍රතික්ෂේප කරනු ලැබේ.

ඔබගේ කොට්ඨාස අධ්‍යාපන කාර්යාලයේ/ පාසලේ දැන්වීම් පුවරුවේ මෙය ප්‍රදර්ශණය කරන ලෙසත්, ගුරු උපදේශක මහත්ම මහත්මීන්ගේ සියලු අයදුම්පත් කොට්ඨාස අධ්‍යාපන අධ්‍යක්‍ෂක නිර්දේශ කලයුතු අතර පාසල් මගින් ඉදිරිපත් කරනු ලබන අයදුම්පත් විදුහල්පති විසින් නිර්දේශ කල යුතුය. විදුහල්පති විසින් ඉල්ලුම් කරනු ලබන අයදුම්පත් කොට්ඨාස අධ්‍යාපන අධ්‍යක්‍ෂක නිර්දේශ කලයුතු බවත්, එසේ එවනු ලබන අයදුම්කරුවන් පළපුරුදු අය විය යුතු බව වැඩිදුරටත් අවධානයට යොමුකරමි.

වැදගත් : මෙම අයදුම්පත matarazone.sch.lk වෙබ් අඩවියට පිවිසීමෙන් භාගත කර ගත හැක.

කලාප අධ්‍යාපන අධ්‍යක්‍ෂ,

මාතර.